෴කිරිල්ලියේ෴

ඉගිල්ලෙන්න නුඹට වගේ
මට අත්තටු නොමැති නිසා
කුරුළු රජෝ කියාදෙන්න
නුඹෙ නැටුමට තාලතියා......

හොර රහසින් මුණුමුණුගා
කියනා ඔය රහස නිසා
බලන්න ඇගෙ සොදුරු මූණ
ලැජ්ජාවෙන් රතුව ගියා.......

ආදර බස් අලුත ගෙනා
මනමාලිට කියනු අසා
හාදු තියපු කදුයායම
ඉන්න හැඩයි උමතුවෙලා.....

ආලිංගන රංගනයට
නීල දෑස දිහා බලා
නිල් අහසත් ආන් බලන්
හිනා වුනා නුඹට හොරා.......

තුරුගොමු අතරින් රිංගා
මදපවනත් මුකුළු කලා
දියඇල්ලත් පුළුන් රොදක්
වී හෙමීට යාවිගලා.......

සිරිය මැදින් කුරුළුරජෝ
ආදර ගීතයක් ගයා
මටත් හිතයි ඇවිත් යන්න
උඩුගුවනේ නුඹව සොයා.........