කුස්සියේ පැහෙන්නට වෙරළු පිංකල හැඩයි

මිරිස් ලුණු ගම්මිරිස් රසය හොද පදමටම

වෙරළු ගෙඩි අටයි මට දෙන්න හැකි විස්සටම

 ඉහළ අතු ඉති පුරා තව ඉතිරි නැති හැඩයි

කුසේ ගිණි නිවනු හැකි ඉතිං තව ටික දොහයි

එළිපත්ත හිරිකඩට තෙමී මඩවුණ හැඩයි

කුස්සියේ පැහෙන්නට වෙරළු පිංකල හැඩයි 

ගලා යන දහඩියත් මැටි පොලව සිපගතී

පුපුරණා ගිනි අඟුරු ලොකු දෝණි පරදතී 

රසගුණ පදමටමජීවිතේ ගෙවන්නට

එන්නෙපා පංසලටයාළුවොත් ඇති එමට

 අමුණනා අකුරුවල පටලන්න ජීවිතේ

දිනක් හැකි ගෙවන්නට පුතේ මට හාමතේ

නොදන්නා ලෙස යන්න දුටුවොතින් රුව මගේ

මුදලාලි බලන් ඇති හෙටත් එනකොට කඩේ

 හිනාවෙයි මඳ සුළඟවෙරළුමල් වල හැපී

කලා සහසක් පිරී පුරහඳ හෙටත්  ආකාටසෙට වඩී

නිළමෙලා වඩින පෙරහැරට ඔහු කොප්පරා පහන් ගෙන ගියේය.

එබී බලනා වෙලේ දිවයුරු වැටුණ පිණිබිදු ඉහිරිලා

බලෙන් පුප්පපු නෙළුම් මලකට කිරි ඉද්දමල් යටවෙලා

ගිලී දිවයුරු එන්න පුන්සඳ නැගී අහසට හිනහිලා

බලා ගන්නට පෙරහැරේ හැඩ වලා අතරින් මිරිකිලා

කස හඬට යුගසවන් යොමුකර බලාහිදි හැම පුලපුලා

එළිය දෙන්නට දැවෙන කොප්පර රැගෙන යයි ඔහු ඉවසලා

ධාතු වඩමන වරණිදුත් ඇත සේදභරණින් සැරසිලා

තාන තන තන තතන තන තන තානමට ඉඟ සොලවලා

දෑස නවතින සොදුරු රූමත ඔහුව යාවී ගිලිහිලා

තේජසින් පෙරහැරේ මුලසුන ගනී සියළුම නිළමෙලා

පැලේ අගහිග කොප්පරාමත දැවී හුළඟට මුසුවෙලා

ඇසේ කඳුලක් රදා පියවර තබයි භක්තිය වැඩිවෙලා

නැගී කරගැට උරපත්ත මත සිනහවෙන් එය සඟවලා

දෙනෝ දාහක් දෙනා ඇස්මත සතුට ගෙනෙනට තැත්කලා